சிங்கப்பூர் பொருளாதாரத்தில் புதிய திருப்பம்..!! வளர்ச்சி முன்னறிவிப்பு 5.5% வரை உயர்வு.!

சிங்கப்பூர் பொருளாதாரத்தில் புதிய திருப்பம்..!! வளர்ச்சி முன்னறிவிப்பு 5.5% வரை உயர்வு.!

சிங்கப்பூரின் பொருளாதார வளர்ச்சி குறித்த 2026-ஆம் ஆண்டுக்கான முன்னுரைப்பை அந்நாட்டு வர்த்தகம் மற்றும் தொழில்துறை அமைச்சகம் (MTI) உயர்த்தியுள்ளது.

இதன்படி, 2026-ஆம் ஆண்டில் சிங்கப்பூரின் மொத்த உள்நாட்டு உற்பத்தி (GDP) வளர்ச்சி 4.5% முதல் 5.5% வரை இருக்கும் என முன்னுரைக்கப்பட்டுள்ளது.

 

இதற்கு முன்பு வளர்ச்சி 2% முதல் 4% வரை இருக்கும் என மதிப்பிடப்பட்டிருந்தது.

2026-ஆம் ஆண்டின் முதல் பாதியில் சிங்கப்பூர் பொருளாதாரம் வலுவான வளர்ச்சியைப் பதிவு செய்துள்ளது.

 

குறிப்பாக, செயற்கை நுண்ணறிவு (AI) தொடர்பான பொருட்கள் மற்றும் உள்கட்டமைப்புக்கான உலகளாவிய தேவை அதிகரித்திருப்பது, சிங்கப்பூரின் உற்பத்தி மற்றும் ஏற்றுமதி நடவடிக்கைகளுக்கு சாதகமாக அமைந்துள்ளதாக தெரிவிக்கப்பட்டுள்ளது.

இரண்டாம் காலாண்டில் சிங்கப்பூரின் பொருளாதாரம் ஆண்டுக்கு ஆண்டு அடிப்படையில் 5.9% வளர்ச்சி கண்டுள்ளது.

இதையடுத்து, நடப்பு ஆண்டுக்கான பொருளாதார வளர்ச்சி குறித்த அரசின் மதிப்பீடும் உயர்த்தப்பட்டுள்ளது.

AI சார்ந்த உலகளாவிய முதலீடுகள் தொடர்ந்து வலுவாக இருக்கும் பட்சத்தில், சிங்கப்பூரின் பொருளாதார வளர்ச்சிக்கு இது மேலும் ஆதரவாக அமையும் என எதிர்பார்க்கப்படுகிறது.