டெலோக் பிளாங்காவில் அதிர்ச்சி சம்பவம்..! 73 வயது முதியவர் உயிரிழப்பு..32 வயது நபர் கைது!
சிங்கப்பூரின் டெலோக் பிளாங்கா ஹைட்ஸ் பகுதியில் நேற்று (அக். 5) மாலை நடந்த சம்பவத்தில் 73 வயது நபர் ஒருவர் உயிரிழந்தார். மேலும் 53 வயது நபர் ஒருவர் காயமடைந்து மருத்துவமனைக்கு அழைத்துச் செல்லப்பட்டார்.
பிளாக் 61 டெலோக் பிளாங்கா ஹைட்ஸ் பகுதியில் மாலை சுமார் 6 மணியளவில் உதவி கோரி காவல்துறைக்கு தகவல் கிடைத்தது. சம்பவ இடத்திற்கு விரைந்த காவல்துறையினர், தரைத்தளத்தில் இருவரையும் கண்டனர்.
73 வயது நபர் மருத்துவமனைக்கு அழைத்துச் செல்லப்பட்ட நிலையில் பின்னர் உயிரிழந்தார். 53 வயது நபர் சுயநினைவுடன் மருத்துவமனைக்கு அழைத்துச் செல்லப்பட்டார்.
சம்பவத்துக்குப் பின்னர் 32 வயது நபர் ஒருவர் காவல்துறையைத் தொடர்புகொண்டு சரணடைய விரும்புவதாகத் தெரிவித்தார். அவர் அருகிலேயே கைது செய்யப்பட்டார். அவர் தனியாகச் செயல்பட்டதாக காவல்துறை நம்புகிறது.
இந்தச் சம்பவம் மத நோக்கத்துடன் நடத்தப்பட்ட தாக்குதல் அல்லது பயங்கரவாதச் செயல் என்பதற்கான ஆதாரம் இதுவரை இல்லை என காவல்துறை தெரிவித்துள்ளது.
சம்பவத்தில் உயிரிழந்த 73 வயது நபர் அருகிலுள்ள உணவகத்தின் வழக்கமான வாடிக்கையாளர் என கூறப்படுகிறது.
அருகிலிருந்த குடும்ப மருத்துவமனை மருத்துவரும் சம்பவ இடத்துக்குச் சென்று காயமடைந்தவர்களுக்கு உதவியுள்ளார்.
32 வயது நபர் மீது நாளை (அக். 7) கொலைக் குற்றச்சாட்டின் கீழ் நீதிமன்றத்தில் வழக்கு தொடரப்படவுள்ளது. காவல்துறை விசாரணை தொடர்ந்து நடைபெற்று வருகிறது.
Follow us on :
Premium Job Link:https://www.sgtamilan.com/product/premium-member-ship
WHATSAPP CHANNEL LINK