கிரிக்கெட் ரசிகர்களுக்கு மகிழ்ச்சி செய்தி…!!! மீண்டும் களைகட்ட போகும் ஐபிஎல் தொடர்…!!!

இந்திய கிரிக்கெட் கட்டுப்பாட்டு வாரியம் நடந்து வரும் இந்தியன் பிரீமியர் லீக் 2025 தொடரை மீண்டும் தொடங்க திட்டமிட்டுள்ளது.

இந்தியாவிற்கும் பாகிஸ்தானுக்கும் இடையிலான பதட்டமான அரசியல் சூழ்நிலைக்கு மத்தியில் போட்டிகள் காலவரையின்றி ஒத்திவைக்கப்படும் என்று அறிவிக்கப்பட்டது. இந்நிலையில் ஐபிஎல் மீண்டும் எப்போது தொடங்கும் என்பது குறித்து தொடர்ந்து கேள்வி எழுப்பப்பட்டு வந்தது.

இந்நிலையில் இந்திய கிரிக்கெட் கட்டுப்பாட்டு வாரியம் (பிசிசிஐ), கிரிக்கெட் லீக் தொடரின் தொடக்க தேதி மற்றும் இடம் உள்ளிட்ட விவரங்களை வெளியிட்டுள்ளது.

மேலும் ரசிகர்களை உற்சாகப்படுத்தும் வகையில் மே 17 ஆம் தேதி முதல் தொடங்க திட்டமிடப்பட்டுள்ள இந்தப் போட்டிகள் அனைத்தும், இந்தியாவின் 6 இடங்களில் நடைபெறும் என்று தெரிவிக்கப்பட்டுள்ளது. இது தொடர்பான புதிய அட்டவணை விரைவில் வெளியிடப்படும் என்று கூறப்படுகிறது.

இதற்காக அனைத்து அணிகளும் செவ்வாய்க்கிழமைக்குள் உள்ளூர் மைதானங்களில் இருக்குமாறு பிசிசிஐ கேட்டுக் கொண்டுள்ளது.

இந்தப் போட்டிக்கான இடங்களாக பெங்களூரு, ஜெய்ப்பூர், லக்னோ, அகமதாபாத், டெல்லி மற்றும் மும்பை ஆகியவை தேர்வு செய்யப்பட்டுள்ளன.

மேலும் போட்டி நடைபெறும் இடமாக சென்னை தேர்வு செய்யப்படாதது ரசிகர்களை வருத்தத்தில் ஆழ்த்தியுள்ளது.