மின் தடை..!!!வடகிழக்கு MRT பாதையில் சேவைகள் பாதிப்பு..!!

சிங்கப்பூர்: வடகிழக்கு MRT பாதையில் இன்று காலை ஏற்பட்ட மின்சாரம் தடை காரணமாக பல ரயில் சேவைகள் பாதிக்கப்பட்டன.

பொங்கோல் முதல் ஃபாரர் பார்க் நிலையங்கள் இடையே சேவை நிறுத்தப்பட்டதால், நூற்றுக்கணக்கான பயணிகள் தவித்தனர்.

SMRT தெரிவித்ததாவது,டோபி காட் மற்றும் நொகோக் ஹை ஆன் இடையே இலவச வழக்கமான மற்றும் ஷட்டில் பேருந்துகள் இயக்கப்படுகின்றன.

ஹார்பர்ஃபிரண்ட்–ஃபாரர் பார்க் இடையேயான சேவை வழக்கம்போல இயங்குகிறது. எனினும், செங்காங்–பொங்கோல் LRT சேவைகளும் பாதிக்கப்பட்டுள்ளன.

மதியம் 12:50 மணிக்கு, ஃபாரர் பார்க்–புவாங்காக் இடையேயான சேவை மீண்டும் தொடங்கியதாகவும், பாதிக்கப்பட்ட MRT நிலையங்கள் மூன்றாகக் குறைந்ததாகவும் SMRT புதுப்பித்தது. பிற்பகல் 1:03 மணிக்கு, ஹார்பர்ஃபிரண்ட்–புவாங்காக் இடையேயும் சேவை மீண்டும் ஆரம்பிக்கப்பட்டது.

1:25 மணிக்கு, புவாங்காக்கிற்கு தெற்கு நோக்கிச் செல்லும் முதல் ரயில் செராங்கூன் நிலையத்தை வந்தடைந்தது. ஆனால், 9 நிமிட தாமதத்திற்குப் பிறகே புறப்பட்டது. அதன் பின், ஹௌகாங் நிலையத்தில் மேலும் 5 நிமிடங்கள் நின்று, 1:47 மணிக்கு புவாங்காக்கை அடைந்தது.