சிங்கப்பூருக்குள் நுழைய முயன்ற லாரி..! அதிகாரிகள் சோதனையில் வெளிச்சத்துக்கு வந்த ரகசியம்!
சிங்கப்பூருக்குள் சட்டவிரோதமாக ஹீட் ஸ்டிக்ஸ் மற்றும் மின்னணு சிகரெட் சாதனங்களை கொண்டுவர முயன்றதாக 26 வயது மலேசிய நபர் ஒருவர் கைது செய்யப்பட்டுள்ளார்.
இந்தச் சம்பவம் கடந்த செப்டம்பர் 26ஆம் தேதி துவாஸ் சோதனைச் சாவடியில் இடம்பெற்றதாக குடிநுழைவு மற்றும் சோதனைச் சாவடிகள் ஆணையம் (ICA) தெரிவித்துள்ளது.
மலேசியாவில் பதிவு செய்யப்பட்ட லாரி ஒன்று சிங்கப்பூருக்குள் நுழைந்தபோது, அதிகாரிகள் அதனை மேலதிக சோதனைக்காக நிறுத்தினர்.
லாரியில் கொண்டுவரப்பட்ட பொருட்கள், கூண்டு அமைப்புக்கான உதிரிப் பாகங்கள் மற்றும் மின்சாரப் பொருட்கள் என அறிவிக்கப்பட்டிருந்தன. ஆனால், அதிகாரிகள் மேற்கொண்ட தீவிர சோதனையில் அந்தப் பொருட்களுக்குள் சட்டவிரோதப் பொருட்கள் மறைத்து வைக்கப்பட்டிருந்தது கண்டுபிடிக்கப்பட்டது.
அதில் 38,000 ஹீட் ஸ்டிக்ஸ் மற்றும் 12,600-க்கும் மேற்பட்ட மின்னணு சிகரெட்டுகள் மற்றும் அவற்றுக்கான தொடர்புடைய பாகங்கள் மறைத்து வைக்கப்பட்டிருந்தன.
இதையடுத்து, லாரியை ஓட்டி வந்த 26 வயது மலேசிய நபர் கைது செய்யப்பட்டார். இந்த வழக்கு மேலதிக விசாரணைக்காக சுகாதார அறிவியல் ஆணையத்திடம் (HSA) ஒப்படைக்கப்பட்டுள்ளது.
சிங்கப்பூரில் மின்னணு சிகரெட் மற்றும் அதனுடன் தொடர்புடைய பொருட்களுக்கு எதிராக அதிகாரிகள் கடுமையான நடவடிக்கைகளை மேற்கொண்டு வருகின்றனர். எல்லைகள் வழியாக இத்தகைய பொருட்கள் கடத்தப்படுவதைத் தடுக்க சோதனைகளும் தீவிரப்படுத்தப்பட்டுள்ளன.
இந்தச் சம்பவமும், சிங்கப்பூருக்குள் சட்டவிரோதமாக மின்னணு சிகரெட் பொருட்களை கொண்டு வர முயற்சிப்பவர்கள் மீது அதிகாரிகள் தொடர்ந்து கடுமையான கண்காணிப்பை மேற்கொண்டு வருவதைக் காட்டுகிறது.
சிங்கப்பூரின் எல்லைப் பாதுகாப்பை உறுதி செய்வதுடன், சட்டவிரோதப் பொருட்களின் கடத்தலைத் தடுக்கும் நடவடிக்கைகள் தொடர்ந்து தீவிரமாக மேற்கொள்ளப்படும் என அதிகாரிகள் தெரிவித்துள்ளனர்.
Follow us on :
Premium Job Link:https://www.sgtamilan.com/product/premium-member-ship
WHATSAPP CHANNEL LINK