Singapore Airport-க்கு இந்தப் பொருட்களை எடுத்துச் செல்லாதீர்கள்..! பயணிகள் தெரிந்துகொள்ள வேண்டிய முக்கிய Rules!
சிங்கப்பூருக்கு விமானம் மூலம் பயணம் செய்யும்போது, உடை, உணவு, மருந்து உள்ளிட்ட தனிப்பட்ட பொருட்களை மட்டுமின்றி, வெளிநாடுகளில் இருந்து வாங்கிய பல்வேறு பொருட்களையும் பயணிகள் தங்களுடன் கொண்டு வருகின்றனர். ஆனால், சில பொருட்களை சிங்கப்பூருக்குள் கொண்டு வருவதற்கு முழுமையான தடை உள்ளது. சில பொருட்களுக்கு முன்கூட்டியே அனுமதி அல்லது இறக்குமதி உரிமம் பெற வேண்டும்.
அதனால், விமான நிலையத்தில் Customs சோதனையின்போது பிரச்சினையைத் தவிர்க்க, சிங்கப்பூருக்குள் கொண்டு வரக்கூடியவை, தடை செய்யப்பட்டவை மற்றும் அனுமதி தேவைப்படும் பொருட்கள் குறித்து பயணிகள் முன்கூட்டியே தெரிந்துகொள்வது அவசியம்.
Singapore Customs மற்றும் ICA விதிகளின்படி, சில பொருட்களை சிங்கப்பூருக்குள் கொண்டு வருவது அனுமதிக்கப்படாது.
1. போதைப்பொருட்கள் : Controlled drugs மற்றும் psychotropic substances சிங்கப்பூருக்குள் கொண்டு வருவது கடுமையான குற்றமாகும். இதுபோன்ற பொருட்களை வைத்திருப்பதற்கும் கடுமையான சட்ட நடவடிக்கைகள் இருக்கலாம்.
எனவே, வெளிநாட்டில் சட்டபூர்வமாகக் கிடைக்கும் மருந்து அல்லது போதைப்பொருள் என்ற காரணத்தால் அதை சிங்கப்பூருக்குள் கொண்டு வரலாம் என்று நினைக்கக்கூடாது.
2. Electronic Cigarettes மற்றும் Vaping பொருட்கள்: Electronic cigarettes, vaporisers மற்றும் சில imitation tobacco products சிங்கப்பூரில் தடை செய்யப்பட்ட பொருட்களில் அடங்குகின்றன.
அதேபோல் chewing tobacco, gutkha, khaini, zarda, nasal snuff மற்றும் oral snuff போன்ற சில tobacco products-க்கும் கட்டுப்பாடுகள் உள்ளன.
3. Chewing Gum : சிங்கப்பூருக்குள் இறக்குமதி செய்யத் தடை செய்யப்பட்ட பொருட்களின் பட்டியலில் chewing gum-மும் இடம்பெறுகிறது. எனவே, வெளிநாட்டில் இருந்து சிங்கப்பூருக்கு வரும் பயணிகள் இதை சாதாரண உணவுப் பொருளாக நினைத்து அதிக அளவில் கொண்டு வரக்கூடாது.
4. சில ஆயுதங்கள் மற்றும் ஆபத்தான பொருட்கள்: Concealed weapons, flick knives, gravity knives, wasp knives, throwing knives, knuckledusters, ninja stars மற்றும் catapults/slingshots போன்ற பொருட்கள் தடை செய்யப்பட்ட பொருட்களில் இடம்பெறுகின்றன.
Weapons தொடர்பான பல பொருட்களுக்கு தனிப்பட்ட கட்டுப்பாடுகளும் அனுமதி விதிகளும் உள்ளன.
5. ஆபாசமான மற்றும் தடை செய்யப்பட்ட வெளியீடுகள்: Obscene articles, publications, videotapes, videodiscs மற்றும் சில software போன்றவற்றுக்கும் கட்டுப்பாடுகள் உள்ளன.
அதேபோல், copyright செய்யப்பட்ட பொருட்களின் சட்டவிரோத பிரதிகளையும் சிங்கப்பூருக்குள் கொண்டு வருவதற்கு விதிமுறைகள் உள்ளன.
சில பொருட்கள் முற்றிலும் தடை செய்யப்பட்டவை அல்ல. ஆனால் அவற்றை சிங்கப்பூருக்குள் கொண்டு வருவதற்கு சம்பந்தப்பட்ட அதிகாரியிடமிருந்து முன்கூட்டியே permit அல்லது authorisation பெற வேண்டியிருக்கலாம். இவை Controlled Goods என அழைக்கப்படுகின்றன.
👉உணவுப் பொருட்கள்: Meat மற்றும் meat products, seafood, fruits மற்றும் vegetables போன்ற சில உணவுப் பொருட்களுக்கு Singapore Food Agency விதிமுறைகள் பொருந்துகின்றன.
எனவே, வெளிநாட்டில் இருந்து உணவுப் பொருட்களை கொண்டு வரும் முன், அவற்றின் வகை, அளவு மற்றும் அனுமதி தேவையா என்பதை பயணிகள் சரிபார்க்க வேண்டும்.
👉தாவரங்கள் மற்றும் விலங்குகள்: Animals, birds, animal products, plants, ornamental fish மற்றும் endangered species தொடர்பான பொருட்கள் கட்டுப்பாட்டுக்குட்பட்டவை.
இவற்றை கொண்டு வருவதற்கு National Parks Board அல்லது சம்பந்தப்பட்ட அதிகாரிகளின் அனுமதி தேவைப்படலாம்.
👉மருந்துகள்: சில medicines, pharmaceuticals மற்றும் poisons கட்டுப்பாட்டுக்குட்பட்ட பொருட்களாக இருக்கலாம்.
குறிப்பாக prescription மூலம் மட்டுமே கிடைக்கும் சில மருந்துகளை வெளிநாட்டில் இருந்து சிங்கப்பூருக்கு கொண்டு வருபவர்கள் கூடுதல் கவனம் செலுத்த வேண்டும். ICA, prescription மருந்துகளை எடுத்துச் செல்லும் பயணிகள் தேவையான மருத்துவ ஆவணங்களை வைத்திருக்குமாறு அறிவுறுத்துகிறது.
ஆயுதங்கள் மற்றும் சில விளையாட்டு/பொம்மை பொருட்களுக்கும் கட்டுப்பாடு: Arms and explosives மட்டுமின்றி, bulletproof clothing, toy guns, toy pistols, toy revolvers, weapons, kris, spears மற்றும் swords போன்ற பொருட்களும் கட்டுப்பாட்டுக்குட்பட்டவையாக இருக்கலாம்.
முக்கிய குறிப்பு: தடை செய்யப்பட்ட மற்றும் கட்டுப்பாட்டுக்குட்பட்ட பொருட்களின் பட்டியல் முழுமையானது அல்ல. குறிப்பிட்ட பொருளைப் பொறுத்து வேறு அதிகாரிகளின் விதிமுறைகளும் பொருந்தலாம். எனவே பயணம் செய்வதற்கு முன் சமீபத்திய அதிகாரப்பூர்வ விதிகளை சரிபார்ப்பது அவசியம்.
Follow us on :
Premium Job Link:https://www.sgtamilan.com/product/premium-member-ship
WHATSAPP CHANNEL LINK