மலேசியா சரவாக்கில் பயங்கர ஹெலிகாப்டர் விபத்து..!! 5 பேர் பலி..!
மலேசியாவின் சரவாக் மாநிலத்தில் ஹெலிகாப்டர் ஒன்று விழுந்து நொறுங்கியதில் அதில் பயணம் செய்த 5 பேரும் உயிரிழந்தனர். இந்தச் சம்பவம் வட சரவாக்கின் மாரூடி மாவட்டத்தில் பெரும் அதிர்ச்சியை ஏற்படுத்தியுள்ளது.
செப்டம்பர் 8ஆம் தேதி செவ்வாய்க்கிழமை பிற்பகல் சுமார் 3.40 மணியளவில், வட சரவாக்கில் உள்ள லோ லெல்லாங் STOLport எனப்படும் குறுகிய ஓடுபாதை கொண்ட விமான நிலையத்திற்கு அருகே இந்த விபத்து நிகழ்ந்ததாக முதற்கட்ட தகவல்கள் தெரிவிக்கின்றன.
விபத்துக்குள்ளான ஹெலிகாப்டர் BO-105 வகையைச் சேர்ந்தது என்றும், அதன் பதிவு எண் 9M-LLF என்றும் மலேசிய சிவில் விமானப் போக்குவரத்து ஆணையம் தெரிவித்துள்ளது.
விபத்துக்குள்ளான ஹெலிகாப்டரில் ஒரு விமானி உட்பட 5 பேர் இருந்ததாகத் தெரிவிக்கப்பட்டுள்ளது. ஹெலிகாப்டர் விழுந்து நொறுங்கியதில் அனைவரும் உயிரிழந்தனர்.
சம்பவம் தொடர்பான தகவல் மிரி விமான நிலைய தீயணைப்பு மற்றும் மீட்புச் சேவைப் பிரிவுக்கு கிடைத்ததைத் தொடர்ந்து, சம்பவ இடத்தில் மீட்பு நடவடிக்கைகள் மேற்கொள்ளப்பட்டன.
ஹெலிகாப்டர் விபத்துக்கான காரணம் குறித்து அதிகாரிகள் விசாரணையைத் தொடங்கியுள்ளனர். விபத்துக்கான காரணம் தொடர்பாக பல்வேறு கோணங்களில் விசாரணை நடைபெற்று வரும் நிலையில், அதிகாரப்பூர்வ விசாரணை முடிவுகள் வெளியாகும் வரை ஊகங்களைத் தவிர்க்குமாறு பொதுமக்கள் கேட்டுக்கொள்ளப்பட்டுள்ளனர்.
வட சரவாக்கின் தொலைதூரப் பகுதியில் நடைபெற்ற இந்த விபத்து, அப்பகுதியில் விமானப் போக்குவரத்து பாதுகாப்பு குறித்த கவலையையும் ஏற்படுத்தியுள்ளது.
5 உயிர்களைப் பறித்த இந்த துயரச் சம்பவத்தின் முழுமையான காரணம் விசாரணையின் முடிவிலேயே தெரியவரும்.
Follow us on : click here
Premium Job Link:https://www.sgtamilan.com/product/premium-member-ship
WHATSAPP CHANNEL LINK