வாக்குச்சாவடியில் வாக்காளர்கள் கடைப்பிடிக்க வேண்டிய விதிமுறைகள் என்ன..???

சிங்கப்பூர்:சிங்கப்பூரில் நாளை மறுநாள் (மே 3) வாக்களிப்பு நடைபெற உள்ளது.

இந்நிலையில் பொதுமக்கள் வாக்குச் சாவடியில் கடைபிடிக்கும் நடைமுறைகள் பற்றி தெரிந்து கொள்வோம்.

வாக்காளர்கள் என்ன செய்ய வேண்டும்..??

✅️ வாக்குச்சீட்டில் உள்ள விவரங்களை சரிபார்க்க வேண்டும்.

✅️ வாக்குச் சாவடிக்கு நேரில் சென்று வாக்களிக்க வேண்டும்.

✅️ வாக்குச்சீட்டில் குறிப்பிடப்பட்டுள்ள வாக்குச் சாவடிக்கு மட்டுமே செல்ல வேண்டும்.

✅️ வாக்காளர்கள் ஏதேனும் ஒரு அடையாள அட்டையை உடன் எடுத்துச் செல்ல வேண்டும்.

✅️ வாக்குச்சீட்டில் உங்கள் விருப்பத்தை ‘X’ என்ற குறியீட்டால் குறிக்க வேண்டும்.

✅️ வாக்குச்சீட்டை மடித்து பெட்டியில் போட வேண்டும்.

✅️ வாக்காளர்கள் அமைதி காத்து வாக்களித்துச் செல்ல வேண்டும்.

✅️ வாக்களிப்பு செயல்முறை குறித்து ஏதேனும் சந்தேகங்கள் இருந்தால்,ஒரு தேர்தல் அதிகாரியின் உதவியை நாடலாம்.

வாக்காளர்கள் என்ன செய்யக்கூடாது?

🔴 வாக்குச்சீட்டை சேதப்படுத்தவோ அல்லது அதில் எதையும் எழுதவோ கூடாது.

🔴 வாக்குச்சீட்டில் குறிப்பிடப்பட்டுள்ளதைத் தவிர வேறு எந்த வாக்குச் சாவடிக்கும் செல்லக் கூடாது.

🔴 செல்லப்பிராணிகள் மற்றும் குழந்தைகளை வாக்குச் சாவடிக்கு அழைத்து வரக் கூடாது.

அரசியல் கட்சி அல்லது வேட்பாளரின் சின்னத்தைக் காட்டும் எந்த ஆவணங்களையும் வாக்குச் சாவடிக்கு எடுத்துச் செல்லக்கூடாது.

வாக்குச் சாவடிக்கு அரசியல் கட்சி அல்லது வேட்பாளரின் சின்னம் பொருந்திய ஆடைகளை அணியக் கூடாது.

வாக்குச் சீட்டில் எதையும் கையொப்பமிடவோ அல்லது எழுதவோ கூடாது. அவ்வாறு செய்தால் உங்கள் வாக்கு செல்லாததாகிவிடும்.

வாக்குச் சீட்டை வாக்குச் சாவடிக்கு வெளியே எடுத்துச் செல்லக்கூடாது. அது ஒரு குற்றம்.

வேறு எதையும் வாக்குப் பெட்டியில் போடக் கூடாது.

வாக்குச்சாவடிக்குள் கேமரா,வீடியோ பதிவு சாதனங்களை எடுத்துச் செல்லக்கூடாது.

வாக்குச் சாவடியில் செல்போன்களைப் பயன்படுத்தக் கூடாது.

Follow us on : click here