Our Tampines Hub கூரையில் ஏறிய இளைஞர்கள்..! தவறி விழுந்த 15 வயது சிறுவன்!
சிங்கப்பூரின் Our Tampines Hub விளையாட்டு அரங்கின் கூரைப் பகுதியில் அத்துமீறி நுழைந்த 3 இளைஞர்களில் ஒருவர் கீழே விழுந்து, அரங்கின் மேற்கூரையை சேதப்படுத்திய சம்பவம் அதிர்ச்சியை ஏற்படுத்தியுள்ளது.
இந்தச் சம்பவம் கடந்த செப்டம்பர் 11ஆம் தேதி இரவு சுமார் 11:15 மணியளவில் நடந்துள்ளது. 15 முதல் 18 வயதுக்குட்பட்ட 3 ஆண் இளைஞர்கள், குறைந்த உயரமுள்ள கான்கிரீட் சுவரைத் தாண்டி, பாதுகாப்பு தடுப்பு வலையையும் கடந்து, விளையாட்டு அரங்கின் கூரைப் பகுதியில் உள்ள கட்டுப்படுத்தப்பட்ட இடத்துக்குள் நுழைந்ததாக முதற்கட்ட விசாரணையில் தெரியவந்துள்ளது.
அங்கு சென்றபோது, இளைஞர்களில் ஒருவர் கூரை நடைபாதையில் இருந்து தவறி கீழே விழுந்துள்ளார். இதில் விளையாட்டு அரங்கின் மேற்கூரை சேதமடைந்தது.
தகவல் கிடைத்ததும் அவசர மருத்துவ உதவி அழைக்கப்பட்டு, 15 வயது சிறுவன் சுயநினைவுடன் மருத்துவமனைக்கு அழைத்துச் செல்லப்பட்டார். பின்னர் அவர் மருத்துவமனையில் இருந்து வீடு திரும்பியதாக தெரிவிக்கப்பட்டுள்ளது.
இந்தச் சம்பவம் தொடர்பாக 15 முதல் 18 வயதுக்குட்பட்ட மூன்று இளைஞர்கள், அனுமதியின்றி நுழைந்ததாகக் கூறப்படும் wilful trespass குற்றச்சாட்டு தொடர்பான விசாரணைக்கு காவல்துறைக்கு உதவி செய்து வருகின்றனர்.
சம்பவம் தொடர்பான காவல்துறை விசாரணை தொடர்ந்து நடைபெற்று வருகிறது.
மேற்கூரை சேதமடைந்ததைத் தொடர்ந்து Team Sport Hall பழுதுபார்க்கும் பணிகளுக்காக தற்காலிகமாக மூடப்பட்டது.
இதன் காரணமாக Singapore Floorball League Premier League-ன் செப்டம்பர் 12, 13, 19, 20, 26 மற்றும் 27ஆம் தேதிகளில் நடைபெறவிருந்த போட்டிகள் ஒத்திவைக்கப்பட்டன. பழுதுபார்க்கும் பணிகள் முடிவடைந்ததைத் தொடர்ந்து அரங்கம் மீண்டும் வழக்கமான செயல்பாட்டுக்கு திரும்பியுள்ளது.
தற்போது Singapore Floorball League Premier League போட்டிகள் அக்டோபர் 3ஆம் தேதி Our Tampines Hub-ல் தொடங்கும் என அறிவிக்கப்பட்டுள்ளது.
இந்தச் சம்பவம், பொதுமக்கள் நுழையத் தடை செய்யப்பட்ட பகுதிகளில் பாதுகாப்பு காரணங்களுக்காக விதிக்கப்பட்டுள்ள கட்டுப்பாடுகளை மீறுவதால் ஏற்படக்கூடிய ஆபத்துகளை மீண்டும் வெளிப்படுத்தியுள்ளது.
Follow us on :
Premium Job Link:https://www.sgtamilan.com/product/premium-member-ship
WHATSAPP CHANNEL LINK