சிவப்பு விளக்கை மீறிய SBS பேருந்து..! ஓட்டுநர் மீது கடும் நடவடிக்கை!
சிங்கப்பூரில் SBS Transit நிறுவனத்தின் 133-ஆம் எண் பேருந்து, போக்குவரத்து விளக்கு சிவப்பு நிறமாக மாறிய பின்னரும் சந்திப்பைக் கடந்து சென்ற சம்பவம் தொடர்பாக, சம்பந்தப்பட்ட பேருந்து ஓட்டுநர் மீது ஒழுங்கு நடவடிக்கை எடுக்கப்படவுள்ளது.
இந்தச் சம்பவம் கடந்த சனிக்கிழமை (அக். 3) மாலை சுமார் 6 மணியளவில் Robinson Road மற்றும் Collyer Quay சந்திப்பில் நடந்ததாக நம்பப்படுகிறது.
சம்பவம் தொடர்பான காணொளி சமூக ஊடகத்தில் வெளியானது. அதில், போக்குவரத்து விளக்கு மஞ்சள் நிறத்தில் இருந்து சிவப்பு நிறமாக மாறிய பின்னரும், 133-ஆம் எண் பேருந்து தொடர்ந்து சந்திப்புக்குள் திரும்பிச் செல்வது பதிவாகியுள்ளது. அப்போது மற்ற வாகனங்கள் வேகத்தைக் குறைத்திருந்தன.
இதுகுறித்து SBS Transit நிறுவனத்திடம் கேட்கப்பட்டபோது, சாலைப் பாதுகாப்புக்கு நிறுவனம் அதிக முக்கியத்துவம் அளிப்பதாகவும், சம்பந்தப்பட்ட ஓட்டுநரின் செயல்பாட்டை ஏற்றுக்கொள்ள முடியாது என்றும் தெரிவித்துள்ளது.
இதையடுத்து, சம்பந்தப்பட்ட பேருந்து ஓட்டுநர் மீது ஒழுங்கு நடவடிக்கை எடுக்கப்படும் என SBS Transit உறுதி செய்துள்ளது.
Follow us on :
Premium Job Link:https://www.sgtamilan.com/product/premium-member-ship
WHATSAPP CHANNEL LINK