சிங்கப்பூரில் வேலைக்குச் செல்லப் போகிறீர்களா..? முதலில் இதை தெரிஞ்சுக்கோங்க..!
சிங்கப்பூருக்கு வேலைக்காகச் செல்லும் போது, எந்த வகையான வேலை அனுமதி (Work Pass) மூலம் செல்கிறோம் என்பதைப் பொறுத்து விண்ணப்ப நடைமுறைகள் மற்றும் தேவையான ஆவணங்கள் மாறுபடும். குறிப்பாக Employment Pass (E-Pass), S-Pass மற்றும் NTS Work Permit தொடர்பாக விண்ணப்பதாரர்கள் சில முக்கிய விஷயங்களைத் தெரிந்து கொள்வது அவசியம்.
E-Pass நடைமுறைகளில் கவனம் தேவை: தகுதியான நிறுவனங்கள் பொதுவாக பணியாளரைத் தேர்வு செய்வதற்கு முன்பு நேர்முகத் தேர்வு உள்ளிட்ட தேர்வு நடைமுறைகளை மேற்கொள்கின்றன. வேலைவாய்ப்பு உறுதி செய்யப்பட்ட பிறகு, தேவையான ஆவணங்களுடன் விண்ணப்ப செயல்முறை தொடங்கும்.
விண்ணப்பம் சமர்ப்பிக்கப்பட்ட பிறகு அதன் நிலையை சம்பந்தப்பட்ட அதிகாரப்பூர்வ தளத்தில் சரிபார்ப்பது முக்கியம். விண்ணப்பம் தொடர்பான கட்டணங்கள் மற்றும் பிற செலவுகள் குறித்து நிறுவனத்திடமும் ஏஜென்சியிடமும் முன்கூட்டியே தெளிவாகக் கேட்டுத் தெரிந்து கொள்ள வேண்டும்.
IPA (In-Principle Approval) கிடைத்த பிறகு, அதன் முழுமையான விவரங்களையும் சரிபார்க்காமல் பணம் செலுத்தக் கூடாது. குறிப்பாக சம்பளம், வேலை, நிறுவன விவரங்கள் மற்றும் பிற நிபந்தனைகள் தொடர்பான தகவல்களை முழுமையாகப் பார்த்து உறுதி செய்வது அவசியம்.
S-Pass மற்றும் NTS Work Permit: S-Pass மற்றும் NTS Work Permit போன்ற வேலை அனுமதிகளுக்கு, சம்பந்தப்பட்ட துறையின் தகுதி, நிறுவனத்தின் quota உள்ளிட்ட பல்வேறு நிபந்தனைகள் பொருந்தும்.
விண்ணப்பத்தை முதலாளி அல்லது அங்கீகரிக்கப்பட்ட தரப்பினர் முறையாகச் சமர்ப்பிக்க வேண்டும். விண்ணப்பத்திற்கு முன்பாகவே மிகப்பெரிய தொகையை முழுமையாக முன்பணமாகக் கேட்கும் ஏஜென்சிகளிடம் கூடுதல் எச்சரிக்கையுடன் இருக்க வேண்டும்.
வேலை அனுமதி கிடைத்துவிட்டது என்று கூறி, IPA அல்லது அதிகாரப்பூர்வ ஆவணங்களை காட்டாமல் பணம் கேட்பவர்களை நம்ப வேண்டாம்.
போலி அனுபவச் சான்றிதழ்களைத் தவிர்க்கவும்: சிங்கப்பூரில் வேலை பெறுவதற்காக, அனுபவம் இல்லாத பணியில் அனுபவம் இருப்பது போல் போலியான சான்றிதழ்கள் அல்லது ரெஸ்யூமே தயாரித்து செல்வது ஆபத்தானது.
வேலைக்குச் சென்ற பிறகு திறன் மற்றும் அனுபவம் தொடர்பாக பிரச்சினைகள் ஏற்பட்டால் வேலை இழப்பு உள்ளிட்ட சிக்கல்களை சந்திக்க நேரிடலாம். எனவே, உண்மையான கல்வித் தகுதி மற்றும் பணி அனுபவத்தை மட்டுமே வழங்க வேண்டும்.
வேலைக்குச் செல்லும் முன் செலவுகளை கணக்கிடுங்கள்: விசா அல்லது வேலை அனுமதி தொடர்பான செலவுகள் மட்டுமின்றி, விமானப் பயணம், உணவு, தங்குமிடம் மற்றும் பிற தனிப்பட்ட செலவுகளையும் கணக்கில் எடுத்துக் கொள்ள வேண்டும்.
கிடைக்கும் சம்பளத்தில் அனைத்து செலவுகளையும் கழித்த பிறகு, உண்மையில் எவ்வளவு தொகையை சேமிக்க முடியும் என்பதை முன்கூட்டியே கணக்கிடுவது நல்லது.
ஏஜென்சியைத் தேர்வு செய்வதில் எச்சரிக்கை: சிங்கப்பூரில் வேலை வாங்கித் தருவதாகக் கூறும் ஏஜென்ட்களை நம்புவதற்கு முன்பு, அவர்கள் சட்டப்பூர்வமாக உரிமம் பெற்ற நிறுவனமா என்பதை சரிபார்க்க
வேண்டும்.
ஆவணங்கள் இல்லாமல் அல்லது அதிகாரப்பூர்வ விண்ணப்ப செயல்முறையைத் தெளிவுபடுத்தாமல் பணம் கேட்பவர்களிடம் எச்சரிக்கையாக இருக்க வேண்டும். வேலை அனுமதி ரத்து செய்யப்பட்டால் அல்லது வேலை தொடர்பாக பிரச்சினை ஏற்பட்டால் பணத்தைத் திருப்பித் தருவது குறித்து முன்கூட்டியே எழுத்துப்பூர்வமாகத் தெளிவுபடுத்திக் கொள்வதும் முக்கியம்.
சிங்கப்பூரில் வேலைக்குச் செல்லும் முன், வேலை வழங்கும் நிறுவனம், சம்பளம், வேலை அனுமதி, செலவுகள் மற்றும் ஏஜென்சியின் உரிமம் ஆகிய அனைத்தையும் சரிபார்த்த பிறகே பணம் செலுத்துவது பாதுகாப்பான அணுகுமுறையாகும்.
Follow us on : click here
Premium Job Link:https://www.sgtamilan.com/product/premium-member-ship
WHATSAPP CHANNEL LINK