சிங்கப்பூர் விரைவுச்சாலையில் தொடர் மோதல்..!! 7 வாகனங்கள் விபத்தில் சிக்கின... ஒருவர் சுயநினைவின்றி மீட்பு!
சிங்கப்பூரின் செமந்தா விரைவுச்சாலையில் (SLE) ஐந்து மோட்டார் சைக்கிள்களும் இரண்டு கார்களும் சம்பந்தப்பட்ட கடுமையான சாலை விபத்து ஏற்பட்டுள்ளது. இந்த விபத்தில் மூவர் காயமடைந்து மருத்துவமனைக்குக் கொண்டு செல்லப்பட்டுள்ளனர்.
அவர்களில் 27 வயதுடைய மோட்டார் சைக்கிளோட்டி ஒருவர் சுயநினைவின்றி மருத்துவமனைக்குக் கொண்டு செல்லப்பட்டதாகத் தெரிவிக்கப்பட்டுள்ளது.
நவம்பர் 3ஆம் தேதி அதிகாலை சுமார் 6 மணியளவில், செமந்தா விரைவுச்சாலையில் (SLE) இருந்து மத்திய விரைவுச்சாலையை (CTE) நோக்கிச் செல்லும் பகுதியில் விபத்து ஏற்பட்டதாகச் சிங்கப்பூர் காவல்துறையினர் தெரிவித்துள்ளனர்.
இந்த விபத்தில் மொத்தம் ஐந்து மோட்டார் சைக்கிள்களும் இரண்டு கார்களும் சம்பந்தப்பட்டிருந்ததாகக் கூறப்படுகிறது. விபத்து குறித்த தகவல் கிடைத்ததைத் தொடர்ந்து காவல்துறையினர் சம்பவ இடத்துக்கு விரைந்து சென்றனர்.
இந்த விபத்தில் 47 வயதுடைய மோட்டார் சைக்கிளோட்டியும், 28 வயதுடைய ஆண் பின்னிருக்கைப் பயணியும் சுயநினைவுடன் மருத்துவமனைக்குக் கொண்டு செல்லப்பட்டனர்.
அதேவேளை, 27 வயதுடைய மற்றொரு ஆண் மோட்டார் சைக்கிளோட்டி சுயநினைவின்றி மருத்துவமனைக்குக் கொண்டு செல்லப்பட்டதாகத் தெரிவிக்கப்பட்டுள்ளது.
சிங்கப்பூர் குடிமைத் தற்காப்புப் படையின் தகவலின்படி, காயமடைந்த மூவரும் குவ டெக் புவாட் மருத்துவமனைக்குக் கொண்டு செல்லப்பட்டனர்.
இந்த விபத்தில் மேலும் நால்வருக்குச் சிறிய அளவிலான காயங்கள் ஏற்பட்டுள்ளன. இருப்பினும், அவர்கள் மருத்துவமனைக்குச் செல்ல மறுத்துவிட்டதாகக் குடிமைத் தற்காப்புப் படை தெரிவித்துள்ளது.
இதற்கிடையில், விபத்து நடந்த இடத்தின் காணொளிகள் இணையத்தில் பரவி வருகின்றன. அந்தக் காணொளிகளில் சம்பவ இடத்தில் இரண்டு காவல்துறை வாகனங்களும், விபத்தில் சம்பந்தப்பட்டதாக நம்பப்படும் நான்கு மோட்டார் சைக்கிள்களும் சாலையோரத்தில் நிறுத்தப்பட்டிருப்பதைக் காண முடிகிறது.
இந்த விபத்து எவ்வாறு ஏற்பட்டது, அதற்கான காரணம் என்ன என்பது குறித்து காவல்துறையினர் தொடர்ந்து விசாரணை நடத்தி வருகின்றனர்.
விரைவுச்சாலைகளில் பயணிக்கும் வாகன ஓட்டிகள் போதிய இடைவெளியைப் பின்பற்றுவதுடன், வேகத்தையும் கட்டுப்படுத்தி எச்சரிக்கையுடன் பயணிக்க வேண்டியது அவசியமாகும்.
Follow us on :
Premium Job Link:https://www.sgtamilan.com/product/premium-member-ship
WHATSAPP CHANNEL LINK