சிங்கப்பூர் சாங்கி விமான நிலையத்தில் குவியும் மக்கள்!! போகிமான் 30வது ஆண்டு விழாவிற்கு பிரம்மாண்ட கொண்டாட்டம்!!
சிங்கப்பூரில் ஆண்டு இறுதி நிகழ்வுகளை முன்னிட்டு, சாங்கி விமான நிலையம் மற்றும் ஜுவல் சாங்கி விமான நிலையத்தில் வரும் 7ஆம் தேதி முதல் 9ஆம் தேதி வரை அதிகளவிலான பயணிகள் மற்றும் பார்வையாளர்கள் வருகை தருவார்கள் என எதிர்பார்க்கப்படுகிறது.
இதனால் விமான நிலையத்தில் பயணிகள் போக்குவரத்து வழக்கத்தைவிட அதிகரிக்கும் என சாங்கி விமான நிலையக் குழுமம் தெரிவித்துள்ளது. எனவே, விமானத்தில் புறப்பட உள்ள பயணிகள் தாமதங்களைத் தவிர்க்கவும், செக்-இன் நடைமுறைகளை முடிக்கவும் போதுமான நேரத்துடன் முன்கூட்டியே விமான நிலையத்திற்கு வருமாறு அறிவுறுத்தப்பட்டுள்ளனர்.
இதுகுறித்து சாங்கி விமான நிலையக் குழுமம் இன்று (நவம்பர் 6) தனது முகநூல் பக்கத்தில் பதிவிட்டுள்ளது. மேலும், பயணிகள் விமான நிலையத்திற்கு வருவதற்கு முன்பாகவே செக்-இன் செய்வதற்குத் தேவையான நேரத்தை ஒதுக்கிக்கொள்ள வேண்டும் என்றும், விமானங்களின் நிலை மற்றும் பயண அறிவிப்புகள் தொடர்பான சமீபத்திய தகவல்களை சாங்கி விமான நிலையத்தின் அதிகாரப்பூர்வ இணையதளம் அல்லது செயலி மூலம் சரிபார்த்துக்கொள்ள வேண்டும் என்றும் கேட்டுக்கொண்டுள்ளது.
இதற்கிடையில், போகிமான் வெளியானதன் 30வது ஆண்டு நிறைவைக் கொண்டாடும் வகையில், சாங்கி விமான நிலையம் மற்றும் ஜுவல் சாங்கி விமான நிலையத்தில் “போக்எக்ஸைட்டிங்என்ற கருப்பொருளில் சிறப்புக் கொண்டாட்டங்கள் நடைபெறுகின்றன. இந்தக் கொண்டாட்டத்தின் ஒரு பகுதியாக பல்வேறு பொழுதுபோக்கு நிகழ்ச்சிகள் மற்றும் சிறப்பு ஏற்பாடுகள் செய்யப்பட்டுள்ளன.
இந்த வார இறுதியில் ஜூலை 7 மற்றும் 8ஆம் தேதிகளில் பல்வேறு சிறப்பு நிகழ்ச்சிகள் நடைபெறவுள்ளன. குறிப்பாக, ஜுவல் சாங்கி விமான நிலையத்தில் ஆசியாவிலேயே முதன்முறையாக ஒன்பது தலைமுறைகளைச் சேர்ந்த 27 அசல் போகிமொன் கதாபாத்திரங்கள் மற்றும் இரண்டு பிகாச்சுக்கள் பங்கேற்கும் அணிவகுப்பு நடைபெறவுள்ளது. இந்த அணிவகுப்பு ஜுவல் சாங்கி விமான நிலையத்தின் ஃபாரஸ்ட் வேலியில் சனி மற்றும் ஞாயிற்றுக்கிழமைகளில் பிற்பகல் 3 மணி மற்றும் மாலை 6 மணிக்கு என இரண்டு நேரங்களில் நடைபெறும்.
அதேபோல், சாங்கி விமான நிலையத்தின் டெர்மினல் 3 புறப்பாடு அரங்கில் பிகாச்சுவின் நடன நிகழ்ச்சி, சிறப்பு இரவு நேர நிகழ்ச்சி மற்றும் பிரபலமான போகிமான் கதாபாத்திரங்களைச் சந்திக்கும் நிகழ்ச்சிகளும் ஏற்பாடு செய்யப்பட்டுள்ளன. இதன் மூலம் பொதுமக்கள் பிகாச்சு, பல்பாசர், சார்மண்டர் மற்றும் ஸ்குவர்ட்ல் ஆகிய நான்கு போகிமான் கதாபாத்திரங்களுடன் புகைப்படம் எடுத்துக்கொள்ளும் வாய்ப்பைப் பெறுவார்கள்.
மேலும், டெர்மினல் 3-இன் இரண்டாவது அடித்தளத்தில் போகிமான் அனிமேஷன் திரைப்படங்கள் மற்றும் தொடர்களின் திரையிடல்களும், குழந்தைகளைக் கவரும் வகையில் வண்ணமிடும் செயல்பாடுகளும் நடைபெறவுள்ளன. ஜுவல் சாங்கி விமான நிலையத்திலும் பொதுமக்கள் புகைப்படம் எடுத்துக்கொள்ளும் வகையில் 30-க்கும் மேற்பட்ட போகிமான் கருப்பொருள் சார்ந்த காட்சியமைப்புகள் மற்றும் அலங்கார நிறுவல்கள் அமைக்கப்பட்டுள்ளன.
இந்த நிகழ்ச்சிகளில் பொதுமக்கள் இலவசமாகக் கலந்துகொள்ளலாம். இருப்பினும், ஒவ்வொரு நிகழ்ச்சியிலும் பங்கேற்கக்கூடிய இடங்கள் குறைவாக இருப்பதால், முதலில் வருபவர்களுக்கு முன்னுரிமை என்ற அடிப்படையில் அனுமதி வழங்கப்படும் எனத் தெரிவிக்கப்பட்டுள்ளது.
நிகழ்ச்சிகளைக் காண அதிகளவில் மக்கள் கூடுவார்கள் என எதிர்பார்க்கப்படுவதால், பொதுமக்கள் ஒழுங்கைப் பின்பற்றுமாறும், வரிசையில் நிற்கும்போது ஒருவரையொருவர் தள்ளுவதையோ அல்லது முந்திச் செல்வதையோ தவிர்க்குமாறும் நிகழ்ச்சி ஏற்பாட்டாளர்கள் கேட்டுக்கொண்டுள்ளனர். நிகழ்ச்சி தொடர்பான முழுமையான விவரங்கள், நேரங்கள் மற்றும் சமீபத்திய மாற்றங்களை அறிந்துகொள்ள பொதுமக்கள் சாங்கி விமான நிலையத்தின் அதிகாரப்பூர்வ இணையதளத்தைப் பார்வையிடலாம்.
Follow us on :
Premium Job Link:https://www.sgtamilan.com/product/premium-member-ship
WHATSAPP CHANNEL LINK