சிங்கப்பூரில் ‘The Trade Desk’ நிறுவனத்தில் 15% ஊழியர்கள் ஆட்குறைப்பு..!
சிங்கப்பூர்: அமெரிக்காவைச் சேர்ந்த விளம்பரத் தொழில்நுட்ப நிறுவனமான ‘தி டிரேட் டெஸ்க்’ (The Trade Desk), உலகளவில் தனது ஊழியர்களில் 15 விழுக்காட்டினரை ஆட்குறைப்பு செய்துள்ளது. இந்த நடவடிக்கையில் சிங்கப்பூரில் பணியாற்றும் சில ஊழியர்களும் பாதிக்கப்பட்டுள்ளனர்.
நிறுவனத்தின் நிறுவனரும் தலைமை நிர்வாகியுமான ஜெஃப் கிரீன், செப்டம்பர் 3ஆம் தேதி ஊழியர்களுக்கு அனுப்பிய மின்னஞ்சல் மூலம் ஆட்குறைப்பு தொடர்பான தகவலை அறிவித்தார்.
ஆட்குறைப்பால் பாதிக்கப்பட்ட ஊழியர்கள் செப்டம்பர் 4ஆம் தேதி நிறுவனத்திலிருந்து வெளியேறினர்.
இந்த முடிவு எளிதில் எடுக்கப்பட்டதல்ல என்றும், இது மிகவும் கடினமான முடிவு என்றும் ஜெஃப் கிரீன் தெரிவித்துள்ளார். பெரிய தொழில்நுட்ப நிறுவனங்களில் ஆட்குறைப்பு நடவடிக்கைகள் இடம்பெறுவது வழக்கமானதாக இருந்தாலும், ‘தி டிரேட் டெஸ்க்’ நிறுவனத்தில் இதுபோன்ற நடவடிக்கை வழக்கமானதல்ல என்றும் அவர் குறிப்பிட்டுள்ளார்.
‘தி டிரேட் டெஸ்க்’ நிறுவனத்தின் தலைமையகம் அமெரிக்காவின் கலிபோர்னியா மாநிலத்தில் உள்ள வென்சுராவில் செயல்பட்டு வருகிறது.
சிங்கப்பூர், தோக்கியோ, சோல், ஜகார்த்தா, ஷென்ஜென், தைப்பே உள்ளிட்ட பல நகரங்களில் இந்நிறுவனத்துக்கு அலுவலகங்கள் உள்ளன.
ஆட்குறைப்புக்கு முன்னதாக, உலகம் முழுவதும் 3,500க்கும் மேற்பட்ட ஊழியர்கள் இந்நிறுவனத்தில் பணியாற்றி வந்தனர்.
சிங்கப்பூரில் மட்டும் 140க்கும் மேற்பட்ட ஊழியர்கள் பணிபுரிவதாக LinkedIn தகவல்கள் தெரிவிக்கின்றன.
இந்நிறுவனம் நிறுவனங்களுக்கு இணையம் முழுவதும் மின்னிலக்க விளம்பரங்களை நேரடியாக வாங்கி வெளியிட உதவும் சுயசேவைத் தளத்தை இயக்கி வருகிறது.
ஒரே நேரத்தில் உலகளவில் 15% ஊழியர்களை பணியிலிருந்து நீக்கும் முடிவு, பல குடும்பங்களின் வாழ்வாதாரத்திலும் தாக்கத்தை ஏற்படுத்தியுள்ளது.
குறிப்பாக சிங்கப்பூர் குழுவும் இந்த நடவடிக்கையால் பாதிக்கப்பட்டுள்ள நிலையில், வேலைவாய்ப்பு சந்தையில் நிலவும் மாற்றங்கள் ஊழியர்களிடையே கவலையை ஏற்படுத்தியுள்ளது. நிறுவனத்தின் எதிர்கால வளர்ச்சிக்காக எடுக்கப்பட்ட முடிவு என்றாலும், பணியை இழந்த ஊழியர்களுக்கு இது நிச்சயமாக ஒரு கடினமான காலகட்டமாகவே அமைந்துள்ளது.
Follow us on : click here
Premium Job Link:https://www.sgtamilan.com/product/premium-member-ship
WHATSAPP CHANNEL LINK