சுரங்கப்பாதை பராமரிப்பில் புதிய முயற்சி..!
சிங்கப்பூர்:சிங்கப்பூரில் வட்டப் பாதை சுரங்கப்பாதைகளை வலுப்படுத்தும் பணிகள் தீவிரமாக நடைபெற்று வருகின்றன. இந்த பணிகள் எவ்வாறு முன்னெடுக்கப்படுகின்றன என்பதை ஆய்வு செய்ய SMRT நிறுவனத்தின் உயரதிகாரிகள் நேரில் பார்வையிட்டுள்ளனர்.
SMRT தலைவர் ஷே பூன் மின், SMRT மெட்ரோ தலைவர் லாம் ஹியு கை மற்றும் SMRT குழுமத் தலைவர் யின் யுன்பின் ஆகியோர் நேற்று(04.03.26) கோட்டா MRT நிலையத்திற்கு வருகை தந்ததாக சுரங்கப்பாதை இயக்குநரான SMRT தெரிவித்துள்ளது.
சுரங்கப்பாதைகளை வலுப்படுத்தும் பணிகளில் ஒரு பகுதியாக எஃகு வளையங்கள் நிறுவப்படும் பணிகள் நடைபெற்று வருகின்றன. இந்த பணிகள் பாதுகாப்பாக நடைபெறுவதற்காக பல்வேறு முன்னெச்சரிக்கை நடவடிக்கைகள் மேற்கொள்ளப்பட்டுள்ளன.
அதன்படி, எஃகு வளையங்களை கொண்டு செல்லும் தண்டவாள பராமரிப்பு ரயில்கள் ஆய்வு செய்யப்படுகின்றன. மேலும், இழுவை மின்சார விநியோகம் தற்காலிகமாக தனிமைப்படுத்தப்பட்டு, கட்டுமானப் பணிகளை எளிதாக்க மூன்றாவது தண்டவாளமும் அகற்றப்படுகிறது.
பணிகள் நிறைவடைந்த பிறகு, லேசர் டிராக் டிராலி போன்ற கருவிகளைப் பயன்படுத்தி பாதையின் அமைப்பு சரிபார்க்கப்படுகிறது. அதோடு சுவிட்ச் இயந்திரங்கள், மின் உபகரணங்கள் மற்றும் சிக்னல் கேபிள்களும் விரிவாக ஆய்வு செய்யப்படுகின்றன.
வட்டப் பாதை சுரங்கப்பாதை வலுப்படுத்தும் பணிகள் திட்டமிட்டபடி முன்னேறி வருவதாகவும், இந்த பணிகள் ஏப்ரல் மாதத்தில் நிறைவடையும் என்றும் SMRT தெரிவித்துள்ளது.
Follow us on : click here
Premium Job Link:https://www.sgtamilan.com/product/premium-member-ship
WHATSAPP CHANNEL LINK