சாங்கி விமான நிலையம் அருகே திடீர் விபத்து..!! லிமோசினுடன் மோதிய துணை போலீஸ் அதிகாரி..!
சிங்கப்பூர்: சாங்கி விமான நிலையம் அருகே துணை போலீஸ் அதிகாரி ஒருவர் ஓட்டிச் சென்ற மோட்டார் சைக்கிள், லிமோசின் டாக்சி ஒன்றுடன் மோதியதில் அவர் காயமடைந்தார்.
இந்த விபத்து கடந்த ஆகஸ்ட் 28ஆம் தேதி, வெள்ளிக்கிழமை இரவு சுமார் 10:40 மணியளவில், சாங்கி விமான நிலையத்தின் முனையம் 1 நோக்கிச் செல்லும் ஏர்போர்ட் பவுல்வர்ட் பகுதியில் நடந்ததாக தெரிவிக்கப்பட்டுள்ளது.
விபத்துக்குப் பின்னர் துணை போலீஸ் அதிகாரியின் மோட்டார் சைக்கிள் சாலையின் வலதுபுற பாதையில் கவிழ்ந்து கிடந்தது. காயமடைந்த நபருக்கு அவசர மருத்துவ உதவி வழங்கப்பட்டதாகவும், அருகில் கருப்பு நிற 7 இருக்கைகள் கொண்ட லிமோசின் டாக்சி ஒன்று நின்றிருந்ததாகவும் தெரிவிக்கப்பட்டுள்ளது.
போலீஸ் தகவலின்படி, 46 வயதான ஆண் மோட்டார் சைக்கிள் ஓட்டுநர் , சுயநினைவுடன் மருத்துவமனைக்கு கொண்டு செல்லப்பட்டார். 54 வயதான டாக்சி ஓட்டுநர், போலீஸ் விசாரணைக்கு உதவி வருகிறார்.
சிங்கப்பூர் குடிமைத் தற்காப்புப் படையினருக்கு தகவல் கிடைத்ததும் சம்பவ இடத்திற்கு ஆம்புலன்ஸ் அனுப்பப்பட்டது. காயமடைந்தவர் டான் டாக் செங் மருத்துவமனைக்கு சிகிச்சைக்காக கொண்டு செல்லப்பட்டார்.
காயமடைந்தவர் Certis நிறுவனத்தைச் சேர்ந்த துணை போலீஸ் அதிகாரி என தெரிவிக்கப்பட்டுள்ளது. அவருக்கு முழங்கையில் எலும்பு முறிவு ஏற்பட்டுள்ளதாகவும், அவசர சிகிச்சை அளிக்கப்பட்டுள்ளதாகவும் Certis நிறுவனம் தெரிவித்துள்ளது.
காயமடைந்த அதிகாரி மற்றும் அவரது குடும்பத்தினருடன் நிறுவனம் தொடர்ந்து தொடர்பில் இருப்பதாகவும், அவர் முழுமையாக குணமடையும் காலத்தில் தேவையான ஆதரவு மற்றும் உதவிகளை வழங்கும் என்றும் Certis தெரிவித்துள்ளது.
இந்த விபத்தில் துணை போலீஸ் அதிகாரி காயமடைந்து மருத்துவமனையில் சிகிச்சை பெற்று வரும் நிலையில், விபத்துக்கான காரணம் குறித்து போலீசார் தொடர்ந்து விசாரணை நடத்தி வருகின்றனர். சாங்கி விமான நிலையம் நோக்கிச் செல்லும் முக்கிய சாலையில் நடந்த இந்த விபத்து, வாகன ஓட்டிகள் கூடுதல் எச்சரிக்கையுடன் பயணிக்க வேண்டியதன் அவசியத்தை நினைவூட்டியுள்ளது.
Follow us on : click here
Premium Job Link:https://www.sgtamilan.com/product/premium-member-ship
WHATSAPP CHANNEL LINK