சிங்கப்பூர் York Hotel-ல் அதிகாலை தீ விபத்து..!! 100-க்கும் மேற்பட்டோர் அவசர வெளியேற்றம்.!!
சிங்கப்பூரின் ஆர்ச்சர்ட் ரோடு பகுதியில் உள்ள York Hotel-ல் இன்று (ஆகஸ்ட் 24) அதிகாலை தீ விபத்து ஏற்பட்டது. ஹோட்டலின் இரண்டாவது தளத்தில் உள்ள சமையலறையில் ஏற்பட்ட தீயைத் தொடர்ந்து, அங்கு தங்கியிருந்த 100-க்கும் மேற்பட்டோர் பாதுகாப்பாக வெளியேற்றப்பட்டனர்.
அதிகாலை சுமார் 4 மணியளவில் ஹோட்டலின் இரண்டாவது தளத்தில் உள்ள சமையலறையில் தீ ஏற்பட்டது. தகவல் கிடைத்ததும் சிங்கப்பூர் குடிமைத் தற்காப்புப் படையினர் (SCDF) சம்பவ இடத்திற்கு விரைந்து சென்று தீயை அணைக்கும் பணியில் ஈடுபட்டனர்.
தீயணைப்பு வீரர்கள் தீயை விரைவாக கட்டுக்குள் கொண்டு வந்தனர். இதனால் தீ மற்ற பகுதிகளுக்குப் பரவுவது தடுக்கப்பட்டது.
தீ எச்சரிக்கை ஒலி எழுந்ததைத் தொடர்ந்து ஹோட்டலில் தங்கியிருந்த விருந்தினர்கள் உடனடியாக வெளியேற்றப்பட்டனர். குழந்தைகள் உள்ளிட்ட பலர் ஹோட்டலுக்கு வெளியே பாதுகாப்பான இடத்தில் காத்திருந்தனர்.
சம்பவத்தின்போது ஹோட்டலில் இருந்த 100-க்கும் மேற்பட்டோர் வெளியேற்றப்பட்டதாக தெரிவிக்கப்பட்டுள்ளது.
தீ விபத்தைத் தொடர்ந்து மேற்கொள்ளப்பட்ட அவசர வெளியேற்றத்தின் போது ஒருவர் காயமடைந்தார். அவர் சிகிச்சைக்காக டான் டாக் செங் மருத்துவமனைக்கு அழைத்துச் செல்லப்பட்டார்.
தீ விபத்துக்கான காரணம் குறித்து அதிகாரிகள் விசாரணை நடத்தி வருகின்றனர்.
தீ ஏற்பட்ட பகுதி கட்டுப்படுத்தப்பட்டதைத் தொடர்ந்து, ஹோட்டலில் இருந்த விருந்தினர்கள் பாதுகாப்பாக மீண்டும் தங்களது அறைகளுக்குத் திரும்பியதாக தெரிவிக்கப்பட்டுள்ளது.
அதிகாலை நேரத்தில் ஏற்பட்ட இந்த தீ விபத்து அப்பகுதியில் பரபரப்பை ஏற்படுத்திய நிலையில், தீ உடனடியாக கட்டுக்குள் கொண்டுவரப்பட்டதால் பெரும் அசம்பாவிதம் தவிர்க்கப்பட்டது.
ஹோட்டல் சமையலறையில் ஏற்பட்ட தீ விபத்தால் விருந்தினர்கள் அவசரமாக வெளியேற்றப்பட்டாலும், தீ விரைவாக கட்டுப்படுத்தப்பட்டதால் நிலைமை சீரானது. சம்பவத்தில் ஒருவர் காயமடைந்த நிலையில், தீ விபத்துக்கான காரணம் குறித்து அதிகாரிகள் தொடர்ந்து விசாரணை மேற்கொண்டு வருகின்றனர்.
Follow us on : click here
Premium Job Link:https://www.sgtamilan.com/product/premium-member-ship
WHATSAPP CHANNEL LINK