Jewel Changi-யில் கடைத் திருட்டு..! பிரிட்டிஷ் நபர்..போலந்து பெண் கைது.!
சிங்கப்பூரின் Jewel Changi மற்றும் சாங்கி விமான நிலையம் முனையம் 1-ல் தனித்தனி கடைத் திருட்டு சம்பவங்களில் ஈடுபட்டதாக சந்தேகிக்கப்படும் பிரிட்டிஷ் நபரும் போலந்து பெண்ணும் காவல்துறையினரால் கைது செய்யப்பட்டுள்ளனர்.
இருவர் மீதும் இன்று (ஆகஸ்ட் 25) நீதிமன்றத்தில் குற்றம் சாட்டப்பட உள்ளதாக சிங்கப்பூர் காவல்துறை தெரிவித்துள்ளது.
Jewel Changi-யில் $350 மதிப்புள்ள ஜாக்கெட் திருட்டு: முதல் சம்பவம் 2024ஆம் ஆண்டு ஆகஸ்ட் 14ஆம் தேதி Jewel Changi-யில் உள்ள ஒரு சில்லறைக் கடையில் நடந்தது.
மாலை சுமார் 6.35 மணியளவில் கடைத் திருட்டு குறித்து காவல்துறைக்கு தகவல் கிடைத்தது. விசாரணையில், கடையில் காட்சிக்கு வைக்கப்பட்டிருந்த mannequin-ல் இருந்த நீல நிற denim ஜாக்கெட் காணாமல் போனது தெரியவந்தது.
CCTV காட்சிகளை ஆய்வு செய்ததில், 26 வயதான பிரிட்டிஷ் ஆடவர் ஒருவர் அன்று பிற்பகல் சுமார் 3.55 மணியளவில் சுமார் $350 மதிப்புள்ள ஜாக்கெட்டை எடுத்துக்கொண்டு பணம் செலுத்தாமல் கடையை விட்டு வெளியேறியது தெரியவந்தது.
காவல்துறையினர் அந்த நபரின் அடையாளத்தை உறுதி செய்தபோதும், அவர் ஏற்கனவே சிங்கப்பூரை விட்டு வெளியேறியிருந்தார்.
சுமார் 2 ஆண்டுகளுக்குப் பிறகு, ஆகஸ்ட் 15, 2026 அன்று சாங்கி விமான நிலையத்திற்கு transit பயணமாக வந்தபோது அவர் காவல்துறையினரால் கைது செய்யப்பட்டார்.
2 perfume பாட்டில்கள் திருட்டு: இரண்டாவது சம்பவம் 2026ஆம் ஆண்டு ஜூன் 11ஆம் தேதி, சாங்கி விமான நிலையம் முனையம் 1-ல் transit பகுதியில் உள்ள ஒரு சில்லறைக் கடையில் நடந்தது.
இரவு சுமார் 11.40 மணியளவில் கிடைத்த புகாரைத் தொடர்ந்து காவல்துறையினர் CCTV காட்சிகளை ஆய்வு செய்தனர்.
அதில், 50 வயதான போலந்து பெண் ஒருவர் இரவு சுமார் 8.25 மணியளவில் சுமார் $410 மதிப்புள்ள perfume பாட்டிலை எடுத்துக்கொண்டு பணம் செலுத்தாமல் கடையை விட்டு வெளியேறியது தெரியவந்தது.
CCTV உதவியுடன் அவரது அடையாளத்தை காவல்துறையினர் விரைவாகக் கண்டறிந்து, அவர் சிங்கப்பூரை விட்டு வெளியேறுவதற்கு முன்பாகவே transit பகுதியில் கைது செய்தனர்.
மேலும் நடத்தப்பட்ட விசாரணையில், அதே இரவு சுமார் 10.55 மணியளவில் மற்றொரு கடையிலிருந்து சுமார் $400 மதிப்புள்ள மற்றொரு perfume பாட்டிலையும் அவர் திருடியதாக சந்தேகிக்கப்படுகிறது. இரு பொருட்களும் காவல்துறையினரால் மீட்கப்பட்டுள்ளன.
பிரிட்டிஷ் நபர் மீது ஒரு திருட்டு குற்றச்சாட்டும், போலந்து பெண் மீது 2 திருட்டு குற்றச்சாட்டுகளும் சுமத்தப்பட உள்ளன.
சிங்கப்பூர் சட்டத்தின்படி, 1871-ன் 380 கீழ் வரும் இந்தக் குற்றம் நிரூபிக்கப்பட்டால், அதிகபட்சம் 7 ஆண்டுகள் சிறைத்தண்டனை, அபராதம் அல்லது இரண்டும் விதிக்கப்படலாம்.
கடைத் திருட்டுச் சம்பவங்களை காவல்துறை தீவிரமாகக் கருதுவதாகவும், குற்றம் செய்துவிட்டு சிங்கப்பூரை விட்டு வெளியேறினால் சட்டத்தின் பிடியிலிருந்து தப்பிவிடலாம் என்று யாரும் நினைக்க வேண்டாம் என்றும் காவல்துறை எச்சரித்துள்ளது.
சாங்கி விமான நிலையத்தில் இதுபோன்ற கடைத் திருட்டுகளைத் தடுக்கவும், கண்டறியவும், கட்டுப்படுத்தவும் சம்பந்தப்பட்ட நிறுவனங்களுடன் தொடர்ந்து இணைந்து செயல்படுவதாகவும் காவல்துறை தெரிவித்துள்ளது.
சிங்கப்பூரை விட்டு வெளியேறிவிட்டால் குற்றத்திலிருந்து தப்பிவிடலாம் என்ற எண்ணம் தவறானது என்பதை இந்தச் சம்பவம் உணர்த்துகிறது. CCTV உள்ளிட்ட தொழில்நுட்ப கண்காணிப்புகள் மூலம் குற்றச்செயல்களில் ஈடுபடுவோர் மீது காவல்துறை தொடர்ந்து நடவடிக்கை எடுத்து வருகிறது.
Follow us on : click here
Premium Job Link:https://www.sgtamilan.com/product/premium-member-ship
WHATSAPP CHANNEL LINK