S$53 மில்லியன் மோசடி..! கம்போடியா கும்பலுடன் தொடர்புடைய சிங்கப்பூரர் கைது..பின்னணி என்ன?
கம்போடியாவில் செயல்பட்டு வந்த மோசடி கும்பலுடன் தொடர்புடையதாகச் சந்தேகிக்கப்படும் 27 வயது சிங்கப்பூர் ஆடவர் ஒருவர், வியட்நாமிலிருந்து நாடு கடத்தப்பட்டதைத் தொடர்ந்து சிங்கப்பூர் காவல்துறையினரால் கைது செய்யப்பட்டுள்ளார்.
Lam Yong Yan என்ற அந்த ஆடவர், கடந்த வெள்ளிக்கிழமை (நவம்பர் 6) சிங்கப்பூருக்குத் திரும்பியபோது, குற்றப் புலனாய்வுத் துறை அதிகாரிகளால் கைது செய்யப்பட்டார். அவர் சனிக்கிழமை (நவம்பர் 7) நீதிமன்றத்தில் குற்றம் சாட்டப்படுவார் எனக் காவல்துறை தெரிவித்துள்ளது.
கம்போடியாவின் தலைநகர் புனோம் பென்னில் செயல்பட்டு வந்ததாகக் கூறப்படும் இந்தக் குற்றக் கும்பல், அரசாங்க அதிகாரிகளைப் போல ஆள்மாறாட்டம் செய்து சிங்கப்பூரில் உள்ள பொதுமக்களைக் குறிவைத்து மோசடியில் ஈடுபட்டதாக நம்பப்படுகிறது.
இந்தக் கும்பல் குறைந்தது 528 மோசடிச் சம்பவங்களுடன் தொடர்புடையதாகவும், அதன் மூலம் பாதிக்கப்பட்டவர்கள் சுமார் S$53 மில்லியன் இழந்துள்ளதாகவும் காவல்துறை தெரிவித்துள்ளது.
Lam Yong Yan, கடந்த 2025ஆம் ஆண்டு நவம்பர் 19ஆம் தேதி குடிநுழைவுச் சட்டத்தை மீறியதற்காக வியட்நாம் பொதுப் பாதுகாப்பு அமைச்சகத்தால் கைது செய்யப்பட்டார்.
அந்நாட்டு அதிகாரிகள் விசாரணையை முடித்ததைத் தொடர்ந்து, அவர் நவம்பர் 6ஆம் தேதி சிங்கப்பூருக்கு நாடு கடத்தப்பட்டார். சிங்கப்பூர் வந்தடைந்ததும் காவல்துறையினர் அவரைக் கைது செய்தனர்.
கம்போடியாவில் செயல்பட்ட இந்தக் குற்றக் கும்பலுடன் தொடர்புடையதாகச் சந்தேகிக்கப்படும் 36 பேரில் இவரும் ஒருவர்.
உள்ளூர் தொடர்புடைய ஒழுங்கமைக்கப்பட்ட குற்றக் குழுவின் சட்டவிரோத நோக்கத்தை முன்னெடுக்கும் வகையில், கடுமையான குற்றம் நடைபெற உதவியதாக அவர் மீது குற்றம் சாட்டப்படவுள்ளது.
குற்றம் நிரூபிக்கப்பட்டால், அதிகபட்சம் 5 ஆண்டுகள் சிறைத்தண்டனை அல்லது S$100,000 வரை அபராதம் அல்லது இரண்டும் விதிக்கப்படலாம்.
கடந்த 2025ஆம் ஆண்டு செப்டம்பர் 9ஆம் தேதி சிங்கப்பூர் காவல்துறையும் கம்போடியக் காவல்துறையும் இணைந்து நடத்திய நடவடிக்கையில் இந்தக் குற்றக் கும்பல் கலைக்கப்பட்டது.
இந்த வழக்கில் தொடர்புடைய மேலும் பல சந்தேக நபர்களைக் கைது செய்வதற்கான நடவடிக்கைகள் தொடர்ந்து நடைபெற்று வருகின்றன. சிங்கப்பூரைப் பொதுமக்களைக் குறிவைத்து வெளிநாடுகளில் இருந்து செயல்படும் குற்றவாளிகளையும் சட்டத்தின் முன் நிறுத்த சர்வதேசக் காவல்துறை ஒத்துழைப்பு தொடரும் எனச் சிங்கப்பூர் காவல்துறை தெரிவித்துள்ளது.
Follow us on :
Premium Job Link:https://www.sgtamilan.com/product/premium-member-ship
WHATSAPP CHANNEL LINK