சிங்கப்பூரில் பரபரப்பு..!!ஆர்வலர் ஜலவன் வாம் மீது 5 புதிய குற்றச்சாட்டுகள்..!!
சிங்கப்பூர் :சிங்கப்பூரில் மரண தண்டனை ஒழிப்பை வலியுறுத்தி தொடர்ந்து செயல்பட்டு வரும் ஆர்வலர் ஜலவன் வாம் மீது மேலும் ஐந்து புதிய குற்றச்சாட்டுகள் சுமத்தப்பட்டுள்ளன. இன்று (செப்டம்பர் 7) அவர்மீது இந்த புதிய குற்றச்சாட்டுகள் பதிவு செய்யப்பட்டதாகத் தெரிவிக்கப்பட்டுள்ளது.
46 வயதான சிங்கப்பூர் நாட்டவரான ஜலவன் வாம் மீது, அரசு நீதிமன்றங்களின் வளாகத்தில் பொதுக் கூட்டத்திற்கு ஏற்பாடு செய்தது, சாங்கி சிறைச்சாலைக்கு அருகே நடைபெற்ற பல்வேறு அஞ்சலி நிகழ்வுகளில் பங்கேற்றது மற்றும் விசாரணை அதிகாரிகளின் கேள்விகளுக்கு பதிலளிக்க மறுத்தது உள்ளிட்ட குற்றச்சாட்டுகள் சுமத்தப்பட்டுள்ளன.
டந்த ஆண்டு பிப்ரவரி 3ஆம் தேதி, சிங்கப்பூரில் மரண தண்டனையை ஒழிக்க வேண்டும் என்ற கோரிக்கையை முன்வைத்து, அரசு நீதிமன்றங்களின் வளாகத்தில் ஒன்றுகூடலுக்கு ஜலவன் வாம் ஏற்பாடு செய்ததாகக் கூறப்படுகிறது.
அரசு நீதிமன்றங்களின் வளாகம் பொதுக் கூட்டங்கள் நடத்துவதற்கு தடைசெய்யப்பட்ட பகுதியாக வகைப்படுத்தப்பட்டுள்ளதாகத் தெரிவிக்கப்பட்டுள்ளது.
அந்தப் பகுதியில் அனுமதியின்றி ஒன்றுகூடலை ஏற்பாடு செய்ததாக வாம் மீது குற்றச்சாட்டு முன்வைக்கப்பட்டுள்ளது.
மேலும், மரண தண்டனை நிறைவேற்றப்பட்ட கைதிகளுக்காக சாங்கி சிறைச்சாலைக்கு அருகில் நடைபெற்ற பல்வேறு அஞ்சலி கூட்டங்களில் வாம் பங்கேற்றதாகவும் குற்றம் சாட்டப்பட்டுள்ளது.
2024ஆம் ஆண்டு நவம்பர் 22 மற்றும் 29ஆம் தேதிகளிலும், கடந்த ஆண்டு ஜனவரி 23ஆம் தேதியன்றும் நடைபெற்ற அஞ்சலி நிகழ்வுகளில் அவர் கலந்து கொண்டதாகத் தெரிவிக்கப்பட்டுள்ளது.
இந்த நிகழ்வுகள் தொடர்பாக, பொது ஒழுங்குச் சட்டத்தின் கீழ் வாம் மீது ஏற்கெனவே நடவடிக்கை எடுக்கப்பட்டிருந்தது. சிறைக் கைதிகளுக்கு மரண தண்டனை நிறைவேற்றப்பட்டதைத் தொடர்ந்து நடைபெற்ற அஞ்சலி கூட்டங்களில் பங்கேற்றதற்காக அவருக்கு மொத்தம் $`10,500 அபராதம் விதிக்கப்பட்டிருந்ததாகத் கூறப்படுகிறது.
இதனிடையே, விசாரணை செய்யும் அதிகாரம் கொண்ட அரசாங்க ஊழியரின் கேள்விகளுக்கு பதிலளிக்க வாம் மறுத்ததாகவும் புதிய குற்றச்சாட்டுகளில் குறிப்பிடப்பட்டுள்ளது.
சிங்கப்பூர் சட்டத்தின்படி, விசாரணை அதிகாரிகளின் சட்டபூர்வமான கேள்விகளுக்கு பதிலளிக்க மறுப்பது குற்றமாகக் கருதப்படலாம். இதற்காகவும் வாம் மீது தனிப்பட்ட குற்றச்சாட்டு பதிவு செய்யப்பட்டுள்ளதாகத் தெரிவிக்கப்பட்டுள்ளது
வாமின் வழக்கு தொடர்பான விசாரணைக்கு முந்தைய கலந்துரையாடல் செப்டம்பர் மாதத்தின் பிற்பாதியில் நடைபெற உள்ளது. அப்போது வழக்கின் அடுத்தகட்ட நடவடிக்கைகள் தொடர்பாக நீதிமன்றத்தில் விவாதிக்கப்படும் என எதிர்பார்க்கப்படுகிறது.
தடைசெய்யப்பட்ட பகுதியில் பொதுக் கூட்டத்தை ஏற்பாடு செய்த குற்றம் நிரூபிக்கப்பட்டால், ஆறு மாதங்கள் வரையிலான சிறைத்தண்டனை, `$10,000 வரையிலான அபராதம் அல்லது இரண்டும் விதிக்கப்படலாம்.
அதேபோல், விசாரணை செய்யும் அதிகாரம் கொண்ட அரசாங்க ஊழியருக்கு பதிலளிக்க மறுத்த குற்றம் நிரூபிக்கப்பட்டால், ஆறு மாதங்கள் வரையிலான சிறைத்தண்டனை, $5,000 வரையிலான அபராதம் அல்லது இரண்டும் விதிக்கப்படக்கூடும்.
ஜலவன் வாம் மீது ஏற்கெனவே பொது ஒழுங்கு தொடர்பான வழக்குகளில் நடவடிக்கை எடுக்கப்பட்டுள்ள நிலையில், தற்போது மேலும் ஐந்து குற்றச்சாட்டுகள் சுமத்தப்பட்டிருப்பது அவரது வழக்கில் முக்கியமான அடுத்தகட்ட நகர்வாகப் பார்க்கப்படுகிறது. செப்டம்பர் மாதத்தின் பிற்பகுதியில் நடைபெறவுள்ள விசாரணைக்கு முந்தைய கலந்துரையாடலுக்குப் பின்னர் வழக்கின் அடுத்த நிலை தெளிவாகும்.
Follow us on : click here
Premium Job Link:https://www.sgtamilan.com/product/premium-member-ship
WHATSAPP CHANNEL LINK