சிங்கப்பூரில் Singpost லாபம் கிடுகிடு உயர்வு..! காரணம் என்ன.?
சிங்கப்பூர் போஸ்ட் நிறுவனமான சிங்போஸ்ட்(Singpost), ஜூன் 30ஆம் தேதியுடன் முடிவடைந்த முதல் காலாண்டில் $4.1 மில்லியன் செயல்பாட்டு லாபத்தை ஈட்டியுள்ளது.
கடந்த ஆண்டு(2025) இதே காலாண்டில் $2.6 மில்லியனாக இருந்த செயல்பாட்டு லாபத்துடன் ஒப்பிடுகையில், இந்த ஆண்டு(2026) லாபம் 55.2% அதிகரித்துள்ளது.
இந்த வளர்ச்சிக்கு முக்கிய காரணங்களாக செலவு நிர்வாகம், ஊழியர்கள் தொடர்பான செலவுகள் குறைந்தது மற்றும் நிறுவனத்தின் செயல்திறன் அதிகரித்தது ஆகியவற்றை சிங்போஸ்ட் தெரிவித்துள்ளது.
இதன் காரணமாக நிறுவனத்தின் செயல்பாட்டு லாப வரம்பும் 2.8 விழுக்காட்டிலிருந்து 4.4% உயர்ந்துள்ளது.
லாபம் அதிகரித்திருந்தாலும், சிங்போஸ்ட்டின் முதல் காலாண்டு வருவாய் சற்று குறைந்துள்ளது.
கடந்த ஆண்டு $94.2 மில்லியனாக இருந்த வருவாய், இந்த ஆண்டு 0.9% குறைந்து $93.4 மில்லியனாக பதிவாகியுள்ளது.
தளவாடம் மற்றும் அஞ்சல் பிரிவுகளில் காணப்பட்ட ஏற்ற இறக்கமான செயல்பாடுகளை, அஞ்சல் நிலையக் கட்டமைப்பு மற்றும் சொத்து சார்ந்த பிரிவுகளில் கிடைத்த வருவாய் வளர்ச்சி பெருமளவு ஈடுகட்டியதாக சிங்போஸ்ட் கூறியுள்ளது.
மேலும், 2026 ஜனவரியில் அறிமுகப்படுத்தப்பட்ட அஞ்சல் கட்டண உயர்வு, உள்ளூர் அஞ்சல் செயல்பாட்டில் ஏற்பட்ட சரிவை சமாளிக்க உதவியதாகவும் நிறுவனம் தெரிவித்துள்ளது.
சிங்போஸ்ட்டின் செயல்பாட்டுச் செலவு கடந்த ஆண்டுடன் ஒப்பிடுகையில் 2.4 % குறைந்து, $91.5 மில்லியனிலிருந்து $89.3 மில்லியனாகியுள்ளது.
இதன் மூலம் செலவுகளைக் கட்டுப்படுத்தும் நடவடிக்கைகள் நிறுவனத்தின் செயல்பாட்டு லாபத்தை உயர்த்துவதில் முக்கிய பங்கு வகித்துள்ளன.
ஒட்டுமொத்தமாக, வருவாயில் சிறிய சரிவு ஏற்பட்டிருந்தாலும், செலவு கட்டுப்பாடு மற்றும் செயல்திறன் மேம்பாடு காரணமாக சிங்போஸ்ட்டின் முதல் காலாண்டு செயல்பாட்டு லாபம் குறிப்பிடத்தக்க அளவில் உயர்ந்துள்ளது.
Follow us on : click here
Premium Job Link:https://www.sgtamilan.com/product/premium-member-ship
WHATSAPP CHANNEL LINK