3 உயிர்களை பறித்த ஹவ்காங் தீ விபத்து..தீ எப்படி ஏற்பட்டது? விசாரணையில் வெளியான அதிர்ச்சி தகவல்!
சிங்கப்பூரின் ஹவ்காங் பகுதியில் கடந்த 2025ஆம் ஆண்டு ஏற்பட்ட தீ விபத்தில் கணவன், மனைவி மற்றும் அவர்களது 18 வயது மகள் உயிரிழந்த சம்பவம் தொடர்பான மரண விசாரணை செப்டம்பர் 21, 2026 அன்று தொடங்கியது.
இந்த தீ விபத்து 2025 ஜனவரி 9ஆம் தேதி, பிளாக் 971 ஹங்காங் பகுதி 91-ல் உள்ள மூன்றாவது மாடி வீட்டில் ஏற்பட்டது. இதில் 62 வயதான Lee Choon Geak, அவரது 56 வயது மனைவி Seow Siew Choo மற்றும் அவர்களது 18 வயது மகள் Grace Lee ஆகியோர் உயிரிழந்தனர்.
மரண விசாரணையின்போது, வீட்டின் முதன்மைப் படுக்கையறையில் இருந்த மின் சாக்கெட்டில் ஏற்பட்ட கோளாறு தீ விபத்துக்கு காரணமாக இருந்ததாக நீதிமன்றத்தில் தெரிவிக்கப்பட்டது.
மின் சாக்கெட்டின் பின்புறம் இருந்த இணைப்புகளில் தளர்வு ஏற்பட்டதால், உட்புறத்தில் அதிக வெப்பம் உருவாகி தீ ஏற்பட்டதாக விசாரணையில் கூறப்பட்டது.
அந்தப் பகுதியில் இருந்த பொருட்கள் தீ வேகமாகப் பரவுவதற்கு காரணமாக அமைந்ததாகவும் தெரிவிக்கப்பட்டது.
அந்த வீட்டில் அதிக அளவில் பொருட்கள் குவிக்கப்பட்டிருந்ததாக விசாரணையில் தெரிவிக்கப்பட்டது. இதன் காரணமாக தீயணைப்பு வீரர்கள் வீட்டிற்குள் செல்வதற்கான பாதையை உருவாக்க, முதலில் சில பொருட்களை அகற்ற வேண்டியிருந்தது.
மேலும், வீட்டில் அதிகமான பொருட்கள் இருந்தது தீ வேகமாகப் பரவுவதற்கும் பங்களித்ததாக சிங்கப்பூர் குடிமைத் தற்காப்புப் படையினர் (SCDF) அதிகாரி நீதிமன்றத்தில் தெரிவித்தார்.
குடும்பத்தினரின் அதிகப்படியான பொருட்களை சேமிக்கும் பழக்கம் குறித்து 2024ஆம் ஆண்டிலேயே HDB அதிகாரிகளுக்கு தகவல் தெரிவிக்கப்பட்டதாக நீதிமன்றத்தில் கூறப்பட்டது.
அதனைத் தொடர்ந்து HDB அதிகாரிகள் குடும்பத்தினரைச் சந்திக்க முயன்றபோதும், சில சந்தர்ப்பங்களில் வீட்டிற்குள் அனுமதி மறுக்கப்பட்டதாக விசாரணையில் தெரிவிக்கப்பட்டது.
விசாரணையில், குடும்பத்தில் உயிரிழந்தவர்களில் மகளின் மரணத்திற்கான காரணம் குறித்து தகவல்கள் தெரிவிக்கப்பட்டன. அதேவேளை, தாயின் மரணத்திற்கான காரணம் இன்னும் முழுமையாக உறுதி செய்யப்படவில்லை.
மேலும் விவரங்களை தடயவியல் நிபுணர் விளக்குவதற்காக, மரண விசாரணை அக்டோபர் 12ஆம் தேதிக்கு ஒத்திவைக்கப்பட்டுள்ளது.
இந்த சம்பவம் தொடர்பான விசாரணை தொடரும் நிலையில், வீட்டில் அதிக அளவில் பொருட்களை குவித்து வைப்பது தீ ஏற்பட்டால் மீட்புப் பணிகளுக்கு ஏற்படுத்தக்கூடிய சிரமங்கள் குறித்தும் கவனம் செலுத்தப்பட்டுள்ளது.
Follow us on : click here
Premium Job Link:https://www.sgtamilan.com/product/premium-member-ship
WHATSAPP CHANNEL LINK