சிங்கப்பூரில் திடீரென தீப்பிடித்த கார்..!! கனமழையிலும் அணையாத தீ..!!
சிங்கப்பூர் :சிங்கப்பூரில் சாலையில் சென்று கொண்டிருந்த கார் திடீரென தீப்பிடித்து எரிந்த சம்பவம் பரபரப்பை ஏற்படுத்தியுள்ளது. கனமழை பெய்தபோதிலும் காரில் பற்றிய தீ அணையாமல், தீப்பிழம்புகளுடன் கார் எரிந்தது.
இந்தச் சம்பவம் நேற்று (செப். 22) மாலை சுமார் 5.45 மணியளவில் டம்பைன்ஸ் சாலை மற்றும் டம்பைன்ஸ் அவென்யூ 10 சந்திப்பில் நடைபெற்றது.
கார் தீப்பிடிப்பதற்கு முன்பு, சாலையின் நடுவே கார் நிறுத்தப்பட்டிருந்ததையும், ஓட்டுநர் பதற்றத்துடன் குடையைப் பிடித்தபடி தொலைபேசியில் பேசிக்கொண்டிருந்ததையும் பார்த்ததாக இணையவாசி ஒருவர் ஃபேஸ்புக்கில் பதிவிட்டுள்ளார்.
மேலும், டிக்டாக்கில் வெளியான காணொளியில், சாலையின் நடுவே நிறுத்தப்பட்டிருந்த வெள்ளை நிற கார் தீப்பிழம்புகளால் சூழப்பட்டு, அடர்த்தியான புகையை வெளியிட்டது காணப்பட்டது. கனமழையிலும் தீ தொடர்ந்து எரிந்ததால் அப்பகுதியில் பரபரப்பு ஏற்பட்டது.
தகவலறிந்து சம்பவ இடத்திற்கு விரைந்த சிங்கப்பூர் குடிமைப் பாதுகாப்புப் படை (SCDF) வீரர்கள், நீர்த்தாரை மூலம் தீயை அணைத்தனர். அதிர்ஷ்டவசமாக, ஓட்டுநர் சரியான நேரத்தில் காரில் இருந்து வெளியேறியதால், இந்தச் சம்பவத்தில் யாருக்கும் காயம் ஏற்படவில்லை.
கார் தீப்பிடித்ததற்கான காரணம் குறித்து அதிகாரிகள் தொடர்ந்து விசாரணை நடத்தி வருகின்றனர்.
கனமழையிலும் கட்டுக்கடங்காமல் எரிந்த கார் அப்பகுதியில் பெரும் பதற்றத்தை ஏற்படுத்தியது. ஒரு சில நொடிகள் தாமதித்திருந்தாலும் நிலைமை விபரீதமாகியிருக்கலாம். ஆனால், ஓட்டுநர் சரியான நேரத்தில் காரை விட்டு வெளியேறியதால் பெரும் அசம்பாவிதம் தவிர்க்கப்பட்டது. நொடியில் மாறிய சூழ்நிலையில், சரியான நேரத்தில் எடுக்கப்பட்ட முடிவே ஒரு உயிரைக் காப்பாற்றியது.
Follow us on : click here
Premium Job Link:https://www.sgtamilan.com/product/premium-member-ship
WHATSAPP CHANNEL LINK