துவாஸ் துறைமுகத்தில் கோர விபத்து..!! கடலில் விழுந்த 2 தொழிலாளர்கள் உயிரிழப்பு!
சிங்கப்பூரின் துவாஸ் துறைமுகத்தில் கப்பலில் சரக்குகளை ஏற்றி இறக்கும் பணியில் ஈடுபட்டிருந்த 2 தொழிலாளர்கள் கடலில் விழுந்து உயிரிழந்துள்ளனர். இந்தச் சம்பவம் செப்டம்பர் 22ஆம் தேதி காலை இடம்பெற்றுள்ளது.
சம்பவம் காலை சுமார் 8:40 மணியளவில் இடம்பெற்றதாக துறைமுகத்தை இயக்கும் PSA Singapore தெரிவித்துள்ளது. பணியில் ஈடுபட்டிருந்த இருவரும் திடீரென கடலில் விழுந்ததாக தெரிவிக்கப்பட்டுள்ளது.
சம்பவம் தொடர்பாக காலை சுமார் 9:10 மணியளவில் சிங்கப்பூர் குடிமைத் தற்காப்புப் படைக்கு தகவல் கிடைத்தது.
33 வயதான தொழிலாளர் ஒருவர் மீட்கப்பட்டு ங் டெங் ஃபோங் பொது மருத்துவமனைக்கு கொண்டு செல்லப்பட்டார். எனினும், பின்னர் அவர் சிகிச்சை பலனின்றி உயிரிழந்தார்.
44 வயதான மற்றொரு தொழிலாளர் கடலில் இருந்து மீட்கப்பட்ட நிலையில், சம்பவ இடத்திலேயே உயிரிழந்ததாக மருத்துவப் பணியாளர்கள் உறுதி செய்தனர்.
மனிதவள அமைச்சகம் (MOM) இந்தச் சம்பவம் குறித்து விசாரணை நடத்தி வருகிறது. ஆரம்பகட்ட விசாரணையில், சம்பவம் கொலை தொடர்பானது என காவல்துறை சந்தேகிக்கவில்லை என தெரிவிக்கப்பட்டுள்ளது.
பொதுவான பாதுகாப்பு நடைமுறைகளின்படி, தொழிலாளர்களை ஏற்றிச் செல்லும் வகையில் பயன்படுத்தப்படும் தூக்குதல் சாதனங்கள் மற்றும் அவற்றுடன் தொடர்புடைய உபகரணங்கள் முறையாகப் பராமரிக்கப்பட்டு, பயன்பாட்டுக்கு முன்பு சோதிக்கப்பட வேண்டும் என மனிதவள அமைச்சகம் தெரிவித்துள்ளது.
துறைமுகத்தை இயக்கும் PSA Singapore, சம்பந்தப்பட்ட அதிகாரிகளுடன் இணைந்து விசாரணைக்கு ஒத்துழைத்து வருவதுடன், உயிரிழந்த தொழிலாளர்களின் குடும்பங்களுக்கு ஆதரவு வழங்கி வருவதாக தெரிவித்துள்ளது.
இந்தச் சம்பவத்திற்கான முழுமையான காரணம் மற்றும் பணித்தள பாதுகாப்பு தொடர்பான விவரங்கள் குறித்து அதிகாரிகளின் விசாரணை தொடர்ந்து நடைபெற்று வருகிறது.
Follow us on : click here
Premium Job Link:https://www.sgtamilan.com/product/premium-member-ship
WHATSAPP CHANNEL LINK